डार्विनचा सिद्धांत उलटा होणार, माणसाचं पुन्हा माकड होणार. अशी हटके पंचलाईन असलेल्या मोशन पोस्टरमुळे ‘मंकी बात’ बद्दल सर्वांच्याच मनात उत्कंठा निर्माण झाली आहे. या चित्रपटाचे महत्वाचे वैशिष्ट म्हणजे लहान मुलांनीच लहान मुलांसाठी हा चित्रपट तयार केला आहे. निष्ठा प्रॉडक्शन्सच्या ‘मंकी बात’ या बालचित्रपटाची कथा, पटकथा आणि दिग्दर्शन विजू माने यांचे असून संवाद आणि गीते संदीप खरे यांनी लिहिली आहेत. लहान मुलांच्या खोडकर स्वभावाला साजेसं, बालपणाच्या माकडचाळ्यांना प्रोत्साहित करणारे धमाल असे संगीत डॉ. सलील कुलकर्णी यांनी दिले आहे. आकाश पेंढारकर आणि विनोद सातव प्रस्तुत ‘मंकीबात’ची निर्मिती विवेक डी., रश्मी करंबेकर, मंदार टिल्लू आणि विजू माने यांनी केली आहे. हा बालचित्रपट येत्या १८ मे पासून संपूर्ण महाराष्ट्रात प्रदर्शित होत आहे.