कृषी सहाय्यक लाच स्वीकारतानां ताब्यात
जळगाव, 5 मार्च
प्रस्तावामध्ये असलेल्या त्रृटींची पुर्तता करून प्रस्ताव लवकर पुढील कारवाहीस पाठविण्यासाठी 1 हजार 500 रुपयांची लाच स्विकारतांना रामसिंग भोमसिंग पवार , कृषी सहाय्यक , तालुका कृषी अधिकारी यावल यांना रंगेहात ताब्यता घेण्यात आले आहे.
तक्रारदार हे खासगी कंपनीत नोकरीस आहेत. ते शेतकरयाचे ठिबक सिंचनचे अनुदान प्रस्ताव तयार करून तालुका कृषी अधिकारी कार्यालयात दाखल करून त्याचा पाठपुरावा करतात व प्रस्तावामध्ये असलेल्या त्रुटींची पुर्तता करतात.त्यांनी दाखल केलेल्या प्रस्तावाच्या त्रुटींची पूर्तता करण्यासाठी व प्रस्ताव लवकर पुढील कारवाहीस पाठविण्यासाठी सदर लोकसेवकाने तक्रारदार यांचेकडे 1 मार्च रोजी 1500 रुपये लाचेची मागणी केली. या बाबत तक्रारदाराने अॅन्टी करप्शन ब्युरो जळगाव यांचेकडे तक्रार दिली. त्याची शहानिशा करून सापळा रचण्यात आला. ही 5 रोजी स्विकारतांना रामसिंग पवार यांना रंगेहात पकडण्यात आले. ही कारवाई जी.एम.ठाकुर, पोलीस उप अधीक्षक ला.प्र.वि. जळगाव यांच्या नेतृत्वात करण्यात आली.