गाळेधारकांचा अभूतपूर्व मोर्चा

एकजुटीचे दर्शन, प्रशासन थक्क

 

व्यापारी पाकिस्तानातून आलेले नाहीत, ते जळगावचेच ! - १०० टक्के न्याय मिळवून देणार : आ. सुरेश भोळे जळगावचा व्यापारी हा पाकिस्तानमधून आलेला नाही. तो इथलाच रहिवासी आहे. त्याला १०० टक्के न्याय मिळेपर्यंत आपण त्याच्या सोबत राहू. यासंदर्भात पालकमंत्री चंद्रकांतदादा पाटील, माजी मंत्री आ. एकनाथराव खडसे, जलसंपदामंत्री गिरीश महाजन यांच्याशी बोलणे झाले असून, त्यांनीही प्रश्‍न सोडविण्याचे आश्‍वासन दिले आहे. विधीमंडळाचे अधिवेशन सुरू असतानाही खास गाळेधारकांच्या मोर्चासाठी आलो आहे. जनतेने मला निवडून दिले आहे. त्यांच्यासाठी आमदारकी गेली काय किंवा राहिली काय, फरक पडत नसल्याचे त्यांनी निक्षून सांगितले. व्यापारी सेवा देणारा घटक आहे. त्याचे प्रश्‍न सुटले तर जळगाव मनपाचे हुडकोची कर्जफेड व विकासाशी संबंधित प्रलंबित विषय मार्गी लागतील. परंतु या प्रकरणात व्यापार्‍यांची दिशाभूल कुणीही करू नये, असा इशारा त्यांनी दिला.