आशिया मुष्टियोद्धा स्पर्धेत भारताची सुवर्ण कामगिरी

महिला गटात नवजोत हिने जपानच्या मिया इमाई हिला चक्क ९-१ अशा मोठ्या फरकाने मागे टाकले आहे. पहिल्या फेरीपासूनच नवजोत आक्रमक खेळत होती. नवजोतने सात अंक मिळविले तरी देखील इमाईच्या खात्यात एकही अंक नव्हता मात्र नवजोतच्या सातव्या अंकावर इमाई हिने एक अंक मिळवत या फेरीत तिचे खाते उघडले मात्र त्यानंतर नवजोतने इमाईला एकही अंक मिळवू न देता हा सामना आपल्या नावावर करून घेतला.

किर्गिस्तानमधील बिश्केक येथे ही स्पर्धा सुरु असून भारताने पहिल्यांदाच या स्पर्धेमध्ये सुवर्ण कामगिरी केली आहे. मुष्टियोद्धा विनेश फोगाटने देखील या स्पर्धेमध्ये रौप्य पदक मिळविले आहे. एकंदरीत या स्पर्धेत भारताने सहा पदक मिळविले असून एक सुवर्ण एक रौप्य आणि चार कांस्य पदक मिळविले आहेत.