कल्पना चावला हिची आज ५६ वी जयंती

 

कल्पना चावला हिचे शालेय शिक्षण गावातील टागोर बाल निकेतन विद्यालयात झाले. कल्पना चावला हुशार असल्याने ती नेहमी पहिल्या पाच मुलांमध्ये होती. पंजाब विद्यापीठातून तिने १९८२ साली एरोनॉटिकल अभियांत्रिकी पदवी घेतली. पुढे १९८४ मध्ये अर्लिंगटन टेक्सास विद्यापीठातून एरोनॉटिकल उच्च अभियांत्रिकी शिक्षण घेऊन, तिने कॉलोरॅडो विदयापीठांतून एरोस्पेस अभियांत्रिकी विभागातून १९८८ मध्ये डॉक्टरेट मिळवले.

 

  

१ फेब्रुवारी २००३ या दिवशी अवकाशातून पृथ्वीवर परत येणार्‍या कोलंबिया अवकाशयानाचा स्फोट झाला. या स्फोटामुळे कोलंबियाचे अक्षरश: तुकडे तुकडे झाले. या यानामध्ये असलेल्या कल्पना चावला हिचा आणि अन्य अंतराळवीरांचा दुर्दैवी मृत्यू झाला. त्यावेळी कल्पना चावला ही ४० वर्षांची होती.