श्रीलंकेला लोळवून भारताचा सलग दुसरा विजय

 

 

कोलंबोमधील प्रेमादास मैदानावर हा सामना घेण्यात आला होता. यामध्ये भारतीय संघाने प्रथम नाणेफेक जिंकून गोलंदाजी करण्याचा निर्णय घेतला होता. यानंतर आलेल्या श्रीलंकेच्या संघाकडून कुशल मेंडीस याने ५५ धावांची अर्धशतकी खेळी केली. तर त्यापाठोपाठ उपुल थरंगा (२२), डी. शंका (१९), धनुष्का गुणतिलका (१७) तर थिसरा पेरेरा यांनी १५ धावांची खेळी करत, श्रीलंकेला ९ बाद १५२ धावांची मजल मारून दिली. याबदल्यात भारतीय संघांकडून शार्दुल ठाकूर याने एकट्याने श्रीलंकेचे ४ बळी घेतले. तसेच वॉशिंग्टन सुंदर याने २ तर उनाडकट, चहल आणि विजय शंकर या तिघांनी प्रत्येक एक-एक बळी घेतला.

यानंतर आलेल्या भारतीय संघाने मात्र श्रीलंकेने दिलेले हे आव्हान लीलया पार केले. भारताकडून मनीष पांड्ये याने सर्वाधिक ४४ धावांची (नाबाद) खेळी केली. त्यापाठोपाठ दिनेश कार्तिक (नाबाद ३९) सुरेश रैना (२७), लोकेश राहुल (१८), रोहित शर्मा (११) तर शिखर धवन याने ८ धावा केल्या. या बदल्यात श्रीलंकेकडून अखिला धनंजया याने भारताचे दोन बळी घेतले तर नुवान प्रदीप आणि पेरेरा यांनी प्रत्येकी एक-एक बळी घेतले.