आज दक्षिण आफ्रिकेविरुद्ध ऐतिहासिक विजेतेपदावर भारताची नजर

 

 

 

 

 

 

भारताने या मालिकेतील तिसरा सामना १२४ धावांनी जिंकून या मालिकेमध्ये भारताने आफ्रिकेविरोधात ३-० अशी आघाडी घेतली होती. भारताचा कर्णधार विराट कोहली याच्या नाबाद दीड शतकी खेळीच्या बळावर भारताने अफिकेला दिलेले ३०४ धावांच्या आव्हानाचा पाठलाग करताना, आफ्रिका संघ १७९ धावांवरच कोलमडून पडला होता. या एकदिवसीय मालिकेत भारताने उत्तम कामगिरी करत तीन सामने आपल्या नावावर करून घेतले आहे.

विराट कोहली आणि त्याची विराट सेना आजचा सामना खेळायला पूर्णपणे सज्ज झाली असून भारत आज ऐतिहासिक विजयावर आपले नाव कोरतो काय? हे पाहणे महत्वाचे ठरणार आहे. मागील सामन्यांमध्ये विराट कोहली आणि शिखर धवन यांनी खेळाचे उत्तम प्रदर्शन केले होते. काही तासांत आजच्या सामन्याला सुरुवात होणार आहे.