शेख हसीना यांच्या अवामी लीगच्या नेतृत्वाखाली आघाडीने एकतर्फी विजय मिळवला. २९८ पैकी २८७ जागांवर त्यांना विजय प्राप्त झाला. अवामी लीगचा विरोधीपक्ष आघाडी नॅशनल युनिटी फ्रंटला फक्त ६ जागांवरच विजय मिळवता आला. दोन अपक्ष उमेदवार दोन जागांवर निवडून आले आहेत. एका उमेदवाराचा मृत्यू झाल्यामुळे तेथे निवडणुक झाली नाही.
दक्षिण-पश्चिम गोपालगंज मतदार संघात शेख हसीना यांना एकूण २,२९,५३९ मते मिळाली. शेख हसीना यांचा प्रतिस्पर्धी बीएनपीच्या उमेदवाराला फक्त १२३ मते मिळाली आहेत. अशी माहिती बांगलादेशच्या निवडणूक आयोगाकडून देण्यात आली आहे. बांगलादेशमधील विरोधी पक्ष एनएफयू आघाडीने मात्र निवडणूकीचा हा निकाल मान्य करण्यास नकार दिला आहे. बांगलादेशमध्ये पुन्हा एकदा निवडणूका घेण्यात याव्यात. अशी मागणी विरोधी पक्षाने केली आहे.