या पायरसी मागे ‘तामिळरॉकर्स’चा हात असल्याचे समोर आले आहे. ‘तामिळरॉकर्स’च्या वेबसाईटवर हा सिनेमा लीक करण्यात आला. अशाप्रकारे सिनेमा पायरसीचे प्रमाण दिवसेंदिवस वाढत चालले आहे. नुकतेच प्रदर्शित झालेले ‘झिरो’, ‘केजीएफ' हे सिनेमेदेखील ‘तामिळरॉकर्स’कडून लीक करण्यात आले होते. तामिळरॉकर्सच्या २ हजारांहून अधिक मायक्रोसाईट्ही आहेत.
तामिळरॉकर्सकडून यापूर्वीही अनेक सिनेमे लीक करण्यात आले आहेत. ‘२.०’ या सिनेमाच्या दिग्दर्शकांनी तामिळरॉकर्सविरोधात मद्रास उच्च न्यायालयात याचिका दाखल केली होती. याच पार्श्वभूमीवर ‘२.०’ या सिनेमाच्या प्रदर्शनाच्यावेळी १२ हजार वेबसाईट्स ब्लॉक करण्याचे आदेश मद्रास उच्च न्यायालयाने दिले होते. एवढी काळजी घेऊन देखील ‘२.०’ हा सिनेमा लीक करण्यात आला. केवळ हिंदी व दाक्षिणात्य सिनेमेच नव्हे तर हॉलिवुडचे अनेक सिनेमेदेखील तामिळरॉकर्सकडून लीक केले जात आहेत.