‘ठाकरे’ सिनेमातील संवादावर सिद्धार्थ नाराज

 

 

“हा संवाद दक्षिण भारतीयांविरोधात द्वेष पसरवणारा आहे. अशाप्रकारे द्वेष पसरवणाऱ्या सिनेमाला तुम्ही प्रतिसाद देणार का?” असा प्रश्न सिद्धार्थने उपस्थित केला आहे. तसेच त्याने बाळासाहेब ठाकरे यांची भूमिका साकारणाऱ्या नवाजुद्दीन सिद्दीकीबाबतही त्याने टीका केली आहे. येत्या २५ जानेवारी रोजी ‘ठाकरे’ हा सिनेमा प्रदर्शित होत आहे. या दिवशी इतर कोणताही सिनेमा प्रदर्शित होऊ देणार नाही. असा इशारा शिवसेनेच्या चित्रपट सेनेचे सरचिटणीस बाळा लोकरे यांनी दिला आहे. तसेच सिनेमात दाखविण्यात आलेल्या राम मंदिराबाबतच्या काही संवादांवर आणि दृश्यांवर सेन्सॉर बोर्डाने आक्षेप घेतला आहे. त्यामुळे प्रदर्शनापूर्वीच या सिनेमाबाबतीत वाद निर्माण होण्याची चिन्हे आहे.