थोरगव्हाणला कालभैरव यात्रा उत्साहात

 

 

येथून जवळच असलेल्या थोरगव्हाण येथे कालभैरव यात्रा नुकतीच उत्साहात साजरी झाली.गावातील मूळ पुरातन कालभैरव मंदीरातून डफडी व ढोलाच्या नादात चांदीचा कालभैरव मुखवटा व मुकूट मिरवणूक भगतांच्या उपस्थितीत निघते.

 

मिरवणूक गावाबाहेरील नवीन कालभैरव मंदिरावर पिंपळा खालील आकाशातून प्रगट झालेल्या अश्मी सदृश्य मूर्तीवर मुकुट, मुखवटा चढविला जातो.

 

आरती झाल्यावर बाजरीची भाकरी व वांग्याचे भरीत यांचा भक्तांनी घरून आणलेल्या नैवेद्य दाखविता जातो. पहिल्या भक्ताने अर्पण केलेला नैवेद्य दुसर्‍या भक्ताला प्रसाद स्वरूपात दिला जातो.

 

त्यांनतर दुपारी एक ते पाच वाजेला पाच हजार माता-भगिनी समर्थ सेवेकर्‍यांनी पूज्य अप्पांच्या मार्गदर्शनाने भैरवचंडी होम पार पडला व दुर्गा सप्तशतीचे पाठ झाले.

 

मुकूट चढविल्यावर दर्शनासाठी नैवैद्य घेऊन गावोगावचे नागरिक दुसर्‍या दिवसापर्यंत दुपारपर्यंत येत होते.

आमची गाव शेती वाडीवर आलेले संकट दूर, व शेतातील पाणी पुरेसे असते ती भैरवनाथजींचीच कृपा आहे, अशी भावना प्रतिष्ठित नागरिक चंद्रकांत पाटील व प्रगतिशील शेतकरी पंकज पाटील यांनी व्यक्त केली.

 

पहिल्या दिवशी यात्रेला आलेल्या पाहुण्यांना वरणपोळी -भरीत भाकरी शिर्‍याचे जेवण मग दुसर्‍या दिवशी गाव पंगत असते, असे हे पाहुण्यांचे श्रद्धेनेे अनोखे आदरातिथ्य व परंपरेने यात्रा साजरा करणारे जपणारे पंचक्रोशोतील एकमेव गाव म्हणावे लागेेल. चांदीचा मोठा आकर्षक मुखवट्याची मिरवणूक लक्षवेधी ठरली.