LIVE : मिझोराममध्ये काँग्रेसचा सुपडा साफ!
@@NEWS_SUBHEADLINE_BLOCK@@
मिझोराम : देशात सध्या विधानसभा निवडणुकीचे रणसंग्राम चालू आहे. या पाच राज्याच्या विधानसभा निवडणुकीमध्ये काँग्रेसने जोरदार मुसंडी मारली असली तरी मिझोराममध्ये काँग्रेसचा सुपडा साफ झाला आहे. मिझोराममध्ये मिझो नॅशनल फ्रन्टला (MNF) स्पष्ट बहुमत मिळणार असल्याचे स्पष्ट दिसत असून ४० जागांपैकी २९ जागांवर MNF आघाडी मिळवली आहे. तर काँग्रेस अवघ्या ६ जागांवर आघाडीवर आहे. धक्कादायक म्हणजे, मुख्यमंत्री ललथनहवला यांना पराभवाला सामोरे जावे लागले आहे.
मिझोराम विधानसभेच्या ४० जागांसाठीचे २८ नोव्हेंबरला मतदान पार पडले होते. यामध्ये ७५ टक्के मतदारांनी मतदानाचा हक्क बजावला होता. यानंतरच्या एक्सिट पोलमध्ये काँग्रेस व मिझो नॅशनल फ्रन्ट यांच्यामध्ये सत्ता स्थापनेसाठी संघर्ष होईल अशी शक्यता वर्तवली होती. मात्र, मतमोजणीनंतर सत्ताधारी काँग्रेसला जनतेने नाकारले असून मिझो नॅशनल फ्रन्टला स्पष्ट बहुमत देऊ केल्याचे दिसत आहे.
२०१३च्या निवडणुकीमध्ये काँग्रेस ४० पैकी ३४ जागा जिंकत सत्ता स्थापन केली होती. याच सरकारचे मुख्यमंत्री ललथनहवला यांना चंफाई (दक्षिण) मतदारसंघातून पराभवाला सामोरे जावे लागले आहे. दरम्यान, भाजप १ व इतर ४ जागांवर आघाडीवर आहेत.
माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/