शबरीमला मंदिर प्रवेश : रेहाना फातिमाला अटक

 

शबरीमला मंदिरातील महिला प्रवेशाविषयी सर्वोच्च न्यायालयाने दिलेल्या निकालानंतर रेहाना फातिमाने शबरीमला मंदिरात प्रवेश करण्याचा प्रयत्न केला होता. तिथेच तिने ठिय्या मारला होता. परंतु गाभाऱ्यापासून ५०० मीटर अंतरावर तिला रोखण्यात आले. "मला अयप्पाचे दर्शन घ्यायचे आहे, मी सर्व धर्मांवर विश्वास ठेवते. आणि सर्व धर्मांचा आदर करते". असे रेहानाने म्हटले होते.

रेहानाच्या फेसबुक पोस्टमुळे तिला अटक करण्यात आली आहे. असे पोलीसांनी सांगितले. रेहानाच्या फेसबुक पोस्टमुळे अनेकांच्या भावना दुखावल्या गेल्या आहेत. रेहाना फातिमा ही सोशल मीडियावर खूप सक्रिय असते. तिने यापूर्वी लिहिलेल्या फेसबुक पोस्ट या आक्रमक होत्या. पूर्वापार चालत आलेल्या अनेक परंपरांना रेहानाने आपल्या फेसबुक पोस्टच्या माध्यामातून विरोध केला होता. तिच्या फेसबुक पोस्टवरून तिचे आक्रमक विचार स्पष्ट होतात.