‘स्वराज्यरक्षक संभाजी’ मालिकेत शिवपर्वाचा शेवट!

 

‘स्वराज्यरक्षक संभाजी’ या मालिकेला रसिक प्रेक्षाकांची चांगली पसंती मिळत आहे. आज घराघरात ही मालिका पाहिली जाते. या मालिकेत अभिनेता शंतनू मोघे याने छत्रपती शिवाजी महाराजांच्या भूमिका साकारली आहे. तर अभिनेता डॉ. अमोल कोल्हे यांनी संभाजीराजांची भूमिका साकारली आहे. या मालिकेत शिवराय आणि शंभूराजे यांच्यातील वडील मुलाचे नाते दाखविण्यात आले. त्याला प्रेक्षकांनी भरभरून पसंती दिली. आता मात्र मालिकेतील या शिवपर्वाचा लवकरच शेवट होणार आहे. शिवाजी महाराजांच्या निर्वाणीचा प्रसंग मालिकेत कशाप्रकारे दाखवला जाणार? हे मालिकेचा येणारा भाग पाहिल्यावरच कळेल. महाराजांच्या निधनानंतर रायगडावरील राजकारणात काय बदल होणार? शंभूराजे या राजकारणाला आणि औरंगजेबाला कसे सामोरे जाणार? हा सारा इतिहास मालिकेच्या येणाऱ्या भागांमध्ये उलगडण्यात येणार आहे.