धुळे, अहमदनगर मनपासह शेंदुर्णी न.प.साठी 9 डिसें.ला मतदान

धुळे व अहमदनगर महानगरपालिकेच्या सार्वत्रिक निवडणुकीसाठी 9 डिसेंबर रोजी मतदान होणार असून मतमोजणी 10 डिसेंबर रोजी होईल. त्यासाठी गुरूवारपासून आचारसंहिता लागू झाल्याची घोषणा राज्य निवडणूक आयुक्त ज. स. सहारिया यांनी गुरूवारी येथे केली. यासोबतच नेर- नबाबपूर (जि. यवतमाळ), लोहा (जि. नांदेड), मौदा (जि. नागपूर), रिसोड (जि. वाशीम), ब्रह्मपुरी (जि. चंद्रपूर) आणि शेंदुर्णी (जि. जळगाव) या नगरपरिषदा/ नगरपंचायतींच्या निवडणुकाही 9 नोव्हेंबरलाच होणार आहेत.

 

 

सहारिया यांनी सांगितले की, धुळे महानगरपालिकेची मुदत 29 डिसेंबर रोजी संपत आहे. शहराची एकूण लोकसंख्या 4 लाख 46 हजार 94 असून मतदारांची संख्या सुमारे 3 लाख 29 हजार 569 आहे. एकूण 19 प्रभागातील 74 जागांसाठी मतदान होईल. त्यापैकी महिलांसाठी 37 जागा राखीव आहेत. अनुसूचित जातीसाठी 6, अनुसूचित जमातीसाठी 5 तर नागरिकांच्या मागासप्रवर्गासाठी 20 जागा राखीव आहेत.

 

 

अहमदनगर महानगरपालिकेची मुदतदेखील 29 डिसेंबर रोजी संपत आहे. शहराची एकूण लोकसंख्या 3 लाख 46 हजार 755 असून मतदारांची संख्या सुमारे 2 लाख 56 हजार 719 आहे. एकूण 17 प्रभागातील 68 जागांसाठी मतदान होईल. त्यापैकी महिलांसाठी 34 जागा राखीव आहेत. अनुसूचित जातीसाठी 9, अनुसूचित जमातीसाठी 1, तर नागरिकांच्या मागासप्रवर्गासाठी 18 जागा राखीव आहेत, अशी माहितीही त्यांनी दिली.

 

 

दोन्ही महानगरपालिकांसाठी 13 नोव्हेंबरपासून नामनिर्देशनपत्रे दाखल करण्यास सुरुवात होईल. 9 डिसेंबर रोजी सकाळी 7.30 ते सायंकाळी 5.30 दरम्यान मतदान होईल. मतमोजणी 10 डिसेंबर रोजी सकाळी 10 वाजता सुरू होईल. निकाल जाहीर झाल्यानंतर आचारसंहिता संपुष्टात येईल, असेही सहारिया यांनी सांगितले.

 

 

यासोबतच नेर- नबाबपूर (जि. यवतमाळ), लोहा (नांदेड), मौदा (नागपूर), रिसोड (वाशीम), ब्रम्हपुरी (चंद्रपूर) आणि शेंदुर्णी 

 

* नामनिर्देशनपत्रे दाखल करणे: 13 ते 20 नोव्हेंबर,

 

 

* नामनिर्देशनपत्रांची छाननी : 22 नोव्हेंबर,

 

 

* उमेदवारी मागे घेणे : 26 नोव्हेंबर पर्यंत,

 

 

* निवडणूक चिन्ह वाटप: 27 नोव्हेंबर,

 

 

* मतदान: 9 डिसेंबर,

 

 

* मतमोजणी : 10 डिसेंबर,

 

 

* निकालाची राजपत्रात प्रसिद्धी: 13 डिसेंबरपर्यंत