फेसबुक, झुकेरबर्ग आणि राजीनामा

 

मार्क झुकेरबर्ग यांना हटविण्यापूर्वी त्यांच्यावर लावण्यात आलेले आरोपही गंभीर आहेत. अमेरिकेत २०१६ मध्ये झालेल्या निवडणुकांमध्ये फेसबुकचा झालेला हस्तक्षेप, केंब्रिज अॅनालिटिका कंपनीने केलेल्या ८.७ कोटी युझर्सच्या डेटाचोरीवर आक्षेप घेण्यास व चोरी रोखण्यासाठी कोणत्याही उपाययोजना न करणे, फेक न्यूज रोखण्यासाठीचे फोल ठरलेले प्रयत्न आदींमुळे फेसबुकची खालावलेली प्रतिमा याचा एकत्रित मुद्दा करून राजीनामा मागण्यात येत आहे. त्यामुळे झुकेरबर्ग यांनी मे महिन्यापर्यंत वरील मुद्द्यांमध्ये काही सुधारणा केल्या नाहीत तर झुकेरबर्ग यांना पदावरून हटवल्यास नवल वाटायला नको. झुकेरबर्ग यांचा स्वभाव काहीसा लहरी असल्याने त्यांच्यावर ही वेळ येत आहे.