विद्यापीठ परीक्षा, मूल्यमापन मंडळ संचालकपदी बी.पी.पाटील

 

मुंबई विद्यापीठातील विविध परीक्षांच्या निकालांच्या निराकरणास मदत करण्यासाठी राजभवनाने त्यांची गतवर्षी नियुक्ती केली होती. शिवाजी विद्यापीठ, कोल्हापूर, मुंबई विद्यापीठ, संत गाडगेबाबा अमरावती विद्यापीठ, अमरावती आणि स्वामी रामानंदतीर्थ मराठवाडा विद्यापीठ, नांदेड या चार विद्यापीठांमध्ये परीक्षा मूल्यमापन मंडळाचे सदस्य म्हणून देखील ते काम करीत आहेत.

राजेश अग्रवाल समितीच्या शिफारशींची अंमलबजावणी करण्यासाठी उच्च व तंत्र शिक्षण विभागाने नियुक्त केलेल्या समितीचे सदस्य म्हणूनदेखील त्यांनी काम केले.

 

इंडस् फाउंडेशनच्या वतीने ई-गव्हर्नन्ससाठी दिला जाणारा पुरस्कार त्यांना देण्यात आला. सोलापूर विद्यापीठात संचालक म्हणून काम करताना कुलसचिव आणि वित्त व लेखाधिकारी पदाचाही अतिरिक्त कार्यभार त्यांनी काही काळ सांभाळला.