नफेखोरीमुळे शेअर बाजार घसरला

मुंबई : सुरुवातीला दमदार कामगीरी करणारे निफ्टी व सेन्सेक्स दिवसअखेर घसरणीसह बंद झाले. बाजार बंद होण्यापूर्वी दिवसभरातील सर्व तेजी निघून गेली. बॅंकींग आणि वित्तीय क्षेत्रातील शेअरमध्ये जोरदार नफावसुली झाल्याने बाजार घसरला. उर्जा आणि धातू क्षेत्रातील शेअरमध्येही घसरण नोंदवण्यात आली.

मुंबई शेअर बाजाराचा निर्देशांक सेन्सेक्स दिवसअखेर १८१ अंशांच्या घसरणीसह ३४ हजार १३४ अंकांवर स्थिरावला. राष्ट्रीय शेअर बाजाराचा निफ्टी ५८ अंशांनी घसरुन १० हजार २४५ च्या स्तरावर बंद झाला. निफ्टी बॅंक इंडेक्समधील सात शेअरमध्ये कमालीची घसरण नोंदवण्यात आली.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/