मुंबई : गेल्या पाच दिवसांपासून पेट्रोल डिझेलच्या भावांमध्ये सातत्याने घट होत आहे. मुंबईत पेट्रोल ३० पैसे तर डिझेल ३८ पैशांनी स्वस्त झाले आहे. त्यामुळे मुंबईत पेट्रोल ८६.९१ रुपये तर डिझेल ७८.५१ रुपये इतके स्वस्त झाले आहे. गेल्या आठवड्यात इंधनदरात सलग पाचव्यांदा घट नोंदवण्यात आली आहे. त्यामुळे सामान्यांनाही दिलासा मिळाला आहे.
मुंबईसह दिल्ली, चेन्नई, कोलकत्ता आदी भागांतील पेट्रोल डिझेलचे दर घसरले आहेत. चेन्नईत पेट्रोल ८२.६४ रुपये तर डिझेल ७९.२२ रुपये, दिल्लीत पेट्रोल ८१.४४ रुपये तर डिझेल ७४.७९ रुपये, कोलकत्त्यात पेट्रोल ८३.२९ रुपये डिझेल ७६.७७ रुपयांवर घसरले आहे. १८ ऑक्टोबरपासून पेट्रोल डिझेलच्या दरात सातत्याने घट होत आहे.
माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/