मल्ल्याची लंडनमधील हवेली होणार जप्त

 

नाओमी केंटन येथे रेजेन्ट पार्कमध्ये विजय मल्ल्याच्या मालकीची आलिशान हवेली आहे. या हवेलीमध्ये विजय मल्ल्या आपली आई आणि मुलगा सिद्धार्थ मल्ल्या यांच्यासोबत राहत आहे. ही हवेली गहाण ठेवून विजय मल्ल्याने स्विस बँक यूबीएसकडून १९५ कोटींचे कर्ज घेतले होते. मुदतीअखेर विजय मल्ल्याने कर्ज न फेडल्याने ही हवेली जप्त करण्यात येणार आहे. यासाठी यूबीएस एजीने उच्च न्यायालयात धाव घेतली आहे. या याचिकेवर न्यायालयात २४ ऑक्टोबर रोजी सुनावणी होईल. मल्ल्या व त्याच्या कुटंबियांना यूबीएसने हवेली सोडून जाण्यास सांगितले होते. परंतु मल्ल्या कुटुंबाने ही हवेली सोडण्यास नकार दिला आहे. अशी माहिती यूबीएसने दिली.