महाराष्ट्राच्या २२ जवानांना सेना पदक

नवी दिल्ली : देशातील ३९० जवानांना सेना पदकाने सन्मानित करण्यात येणार आहे, महाराष्ट्राच्या २२ जवानांचा यात समावेश आहे.

 

संरक्षण मंत्रालयाच्या वतीने दिल्या जाणाऱ्या विविध पुरस्कारांची आज घोषणा करण्यात आली. यामध्ये परम विशिष्ट सेवा पदक, कीर्ती चक्र, उत्तम युद्धसेवा पदक, अति विशिष्ट सेवा पदक, शौर्य चक्र, व सेना पदक या पुरस्कारांचा समावेश आहे.

 

 

 

यावर्षीच्या पुरस्कारांमध्ये २८ जवानांना परम विशिष्ट सेवा पदक, ४९ जवानांना अति विशिष्ट सेवा पदक १० जवानांना युद्ध सेवा तर १२१ जवानांना विशिष्ट सेवा पदक,१४ शौर्य चक्र, १० युद्ध सेवा पदक, तर एका जवानास कीर्ती चक्र पदकाने सन्मानित करण्यात येणार आहे.

 

 

महाराष्ट्राच्या २२ जवानांमध्ये २ अधिकाऱ्यांना परम विशिष्ट सेवा पदक, ४ अधिकाऱ्यांना अति विशिष्ट सेवा पदक, ७ अधिकाऱ्यांना सेना पदक (शौर्य), ५ अधिकाऱ्यांना विशिष्ट सेवा पदक, २ वायू पदक तर १ अधिकाऱ्यास नौसेना पदक व एकास युद्ध सेवा पदक जाहीर झाले आहे.