लेखकांच्या लेखणीत राष्ट्रनिर्मितीचे सामर्थ्य : नितीन गडकरी

 

 

समाज जीवनात अनेक‍ स्थित्यंतरे होत असतात. या घटना साहित्यिक, कवी, लेखक, पत्रकार सातत्याने लेखणीतून मांडतात. त्याचा परिणाम समाज जीवनावर होतो. त्यामुळेच या व्यक्तिंचे समाजात मोठे स्थान आहे. पैसे मिळविल्याने जे सुख मिळत नाही ते सुख एखादे चांगले पुस्तक वाचल्याने हमखास मिळते. त्यामुळे मानवी जीवनात पुस्तकाचे वा साहित्याचे अनन्यसाधारण महत्व आहे. साहित्यिक, लेखक, कवी यांच्या लेखणीतून निघणारे शब्द राष्ट्रनिर्माणासाठी उपयोगी पडतात. साहित्यिकांनी लिहिलेच पाहिजे तसेच साहित्यिकांमध्ये मनभेद होता कामा नये, असे मत गडकरी यांनी यावेळी व्यक्त केले.

याच बरोबर शिक्षण आणि साहित्य या दोन क्षेत्रांविषयी देखील त्यांनी आपले मत मांडले. शिक्षण आणि साहित्य क्षेत्र हे स्वायत्त असले पाहिजे, असे सांगत लोकशिक्षण आणि लोकसंस्कार हे विचाराशी निगडीत असतात, असे ते म्हणाले. तसेच भारत हा सुसंस्कृत देश असून. मुल्याधिष्ठित परिवारपध्दती आणि समाजसंस्कृती हीच आपल्या देशाची खरी ताकद आहे, असे ते म्हणाले.