मनपा अंदाजपत्रक जानेवारीतच सादर होणार!

नाशिक : महापालिका आयुक्तांची जानेवारी महिन्यातच अंदाजपत्रक सादर करण्याची योजना असल्याचे वृत्त आहे. फेबु्रवारी महिन्यात अंदाजपत्रक सादर केल्यानंतर स्थायी समिती त्याला आकार देते आणि त्यानंतर महासभेवर अंदाजपत्रक पाठविले जाते, परंतु ही प्रक्रिया पार पाडताना आयुक्तांचे अंदाजपत्रक अपुरे असल्याचा दावा करीत स्थायी समिती विविध प्रकारच्या उत्पन्नात वाढ सुचविते आणि त्या आधारे काही कोटींनी अंदाजपत्रक वाढविले जाते. महासभेतदेखील सर्वपक्षीय नगरसेवकांना सामावून घेण्यासाठी तसेच सत्तारूढ पक्षाच्या विविध योजना आणून आणखी उत्पन्नवाढीचे आकडे वाढवून त्यावर आधारित योजना आखल्या जातात, परंतु अखेरीस हा फुगा फुटतो.