काँग्रेस आणि दुष्काळ हे जुळे भाऊ आहेत: नरेंद्र मोदी

 

भारतीय संसद हे लोकव्यवहाराचे मंदिर असून या मंदिरात खोटे बोलणे हे चुकीचे आहे. मात्र जेव्हा मी मागील वर्षीच्या रेल्वे अर्थसंकल्पाचा अभ्यास केला तेव्हा मला असे लक्षात आले की, काँग्रेसने मागील वर्षी ज्या १,५०० योजना घोषित केल्या त्या केवळ कागदावरच आहेत अशी माहिती त्यांनी यावेळी दिली.

 

भारताजवळ आता वेळ आहे त्यामुळे या वेळेचा सदुपयोग करून ‘संकल्प से सिद्धी’ हा उपक्रम आपण घडवून आणायला हवा तसेच यातून २०२२ पर्यंत आपल्या स्वप्नातील भारत घडवायला हवा असेही ते यावेळी म्हणाले. ‘गरिबी घालवा’ अशा घोषणा करण्यात आल्या तसेच या माध्यमातून फक्त मत खाण्यात आलीत मात्र देशाचा विकास करण्यात आला नाही केवळ मतांच्या राजकारणातून गरिबांना लुटण्यात आले असा आरोप नरेंद्र मोदी यांनी यावेळी काँग्रेसवर केला.

 

येत्या तीन वर्षांमध्ये भारतामध्ये नवीन क्रांती घडवून आणण्याचा आम्ही प्रयत्न केला. भारताचे भविष्य उज्ज्वल व्हावे यासाठी नवीन योजना आणण्यात आल्या. गरिबांना सशक्त करणे हा आमचा प्रयत्न असणार आहे. आजपर्यंत ‘प्रधानमंत्री जनधन’ योजनेंतर्गत ३२ कोटी लोकांचे बँक खाते काढण्यात आले असल्याची माहिती त्यांनी यावेळी जनतेला दिली.