पालघर येथील समुद्रात नाव उलटली, ७ ते ८ मुलं बेपत्ता

शाळेच्या सहलीसाठी हे ४० मुलं याठिकाणी आले होते. मात्र समुद्रात काही अंतरावर गेल्यावर अचानक नाव उलटली. ही नाव कशी उलटली अद्याप स्पष्ट झालेले नाही मात्र या घटनेत बेपत्ता झालेल्या ७ ते ८ मुलांचा शोध घेतल्या जात आहे. नाव उलटताच आजूबाजूच्या बोटींनी या नावेकडे धाव घेतली आणि ३२ मुलांना वाचवले मात्र ज्या मुलांना पोहता येत नव्हते त्या मुलांचा शोध सध्या घेतला जात आहे.

पालघरमधील के. एल. पोंडा हायस्कूलमधील ही मुले होती असे सांगण्यात येत आहे. या हायस्कूलची सहल काढण्यात आली होती. मात्र दुर्दैवाने या मुलांसोबत हा प्रसंग घडून आला असल्याचे सांगितले जात आहे.